Deilur um peninga og pólitík skekja Glímusambandið

Deilur hafa geisað innan Glímusambands Íslands út af fjárreiðum og stjórnarháttum í sambandinu. Deilurnar snúast meðal annars um háan kostnað við glímukynningar og ferðalög erlendis á vegum sambandsins. Skipt var um alla stjórn Glímusambandsins á einu bretti á ársþingi sambandsins í lok september samkvæmt fundargerð þingsins. Fundargerðin er harðorð. Sigmundur Stefánsson tók við prókúru sambandsins af fyrri framkvæmdastjóra eftir ársþingið. Hann hafði verið fenginn í það verkefni í vor að yfirfara fjárreiður sambandsins. Þetta helst settist niður með Sigmundi í hljóðstofu og bað hann um að fara yfir stöðuna. Hvað er eiginlega búið að vera í gangi hja Glímusambandi Íslands? Umsjón: Ingi Freyr Vilhjálmsson