Flakkað um Svarfaðardal og Skíðadal: Fyrri hluti

Í þættinum er farið á flakk um Svarfaðardal og Skíðadal og íbúar teknir tali. Í þessum fyrri þætti er farið fram í Skíðadal og hjónin Dagur Óskarsson og Bryndís Hrund Brynjólfsdóttir heimsótt, en þau búa á bænum Þverá. Þau segja frá lífi þeirra, hvað varð til þess að þau ákváðu að flytja út í sveit og hvaða áskoranir fylgja því að gera upp gamlan sveitabæ. Ferðinni er síðan heitið til Steindyra, bæjar í vestanverðum Svarfaðardal, og þar tekur á móti okkur Gunnhildur Gylfadóttir. Hún segir frá búskapnum á Steindyrum og rifjar upp óveðrið í desember þegar þessi sveit var án rafmagns í marga daga auk þess sem samgöngur og fjarskipti lágu niðri. Umsjón: Gígja Hólmgeirsdóttir.